Xoubas, e máis xoubas! Neste undécimo episodio, primeiro de 2012, último ano do planeta Terra, abrimos cunha desculpa oficial a todos aqueles aos que puidemos ofender na nosa frecuencia (que non che son poucos, oes); facemos un balance do que foi o ano 2011, unha volta arredor do Sol que ben podería ter pasado inadvertida; celebramos con carácter premonitorio o aínda non consumado pasamento de Don Manuel; tralo noso espazo anti-informativo, os deportes nos trae a Liga Gatuna de Telequinesia Felina, que vos fará rosmar e frotar os bigotiños contra todo mobiliario; Percorrendo Galicia nos achegará á peculiar fauna e flora de Santiago de Compostela, cos seus Turistis Alemanis e Funcionarius Xunteii; e coma sempre, moita e negra música e, de regalo, berimbao drum and bass! A papar!
Esta semana en Plástico Elástico recibimos a visita de Angélica y Roberta, que se achegaron ao Musical Underground Especializado para presentarnos a Serie de Moda máis Freak da Internet.
Repasamos a Axenda de Concertos Recomendados para os vindeiros días por Galicia, prestando especial atención ás actuacións de Samesugas, Movie Jack + Curtinaitis, BlueSkank e The Gift.
Entre o pasamento de Isaac Díaz pardo e o colapso biolóxico de Manuel Fraga, Alén da Onda analiza as experiencias próximas á morte. Existe un ceo para os bos e xenerosos despois do túnel? Existe un inferno de xustiza para as almas facinerosas? Pasaríalle a Fraga toda a súa vida nun instante pola mente no derradeiro minuto sen cortes nin censuras?. Poucos días antes do acontecimento que sume España nun estado de amnesia colectiva, os nosos expertos científicos do paranormal analizaron estas e outras cuestións nunha nova edición do programa máis arrepiante das FM galaica. E como colofón un achegamento ao fenómeno de Poltergeist que sacode San Caetano e ameaza con absorver de vez o autogoberno galego.
Alén da Onda, no máis alá do teu dial, no 107.9 da Radio Kalimera.
Esta semana en Plástico Elástico recibimos a visita dos compostelanos Samesugas, que se achegaron ao Musical Underground Especializado para merendar con nós e presentarnos os temas do seu Terceiro e Flamante L.P. "They Are Out There" (Lixo Urbano, 2011).
Repasamos a Axenda de Concertos Recomendados para os vindeiros días por Galicia, prestando especial atención ás actuacións de Voltaica, The Right Ons e BlueSkank. Asemade, pegamos o último repaso ao cartel do 2nd Rock-A-Billy Boogie Night.
Primeiro Programa deste Novo Espacio Radiofónico Mensual onde "pretendemos rescatar episodios históricos e persoaxes censurados, esquencidos e/ou niguneados polos medios comerciais, dende un enfoque antiautoritario. Neste primeiro programa abordamos as orixes do ilegalismo no seo do movemento obreiro; a propaganda polo feito.
Contamos coa colaboración de Miquel Amorós, destacado escritor nas facetas teóricas e historiográficas entorno ao anarquismo e as loitas antiautoritarias. Tamén queremos agradecer profundamente as dramatizacións aportadas por: Rosa, Valdés, Edu e Iván.
Nesta décima edición de xoubas, última de 2011, abrimos cun espectacular e luminescente Regreso ao Pasado político grazas ao executivo popular; analizamos o peculiar ecosistema dos bares, tabernas e tascas galegos; bizarrearemos ante sons vampiro-cheguevarescos; retransmitiremos en rigoroso branqueo o 15º Torneo Interoceánico Costa Brava S.A. de Corrupción Política; traemos un zapping neuroléptico e antihistamínico; o sultán Qaboos cóntanos unha mesoasiática historia de amor bestialista e guerra; plantexamos dez posibilidades que se poden dar ante unha sobredose etílica; e, coma sempre, moita información verdadeiramente falsa, música africano-primeiromundista e cousas bizarras a cachón. Xoubas.
Acordamos fazer como o resto dos medios o nosso particular especial sobre o passamento deste ministro de Franco e posterior presi da Galiza. À contra dos falsimedios deuse-nos por aclarar certos aspectos da sua vida que querem ser silenciados e/ou minimizados, e mesmo nom aforramos em críticas a todo o espectro sindical e político instituçonal que obviarom o seu passado como assassino de operários e de luitadores pola liberdade.
Aproveitando que a rumorologia conta que pouco fica para o seu definitivo passamento, acá vai a reposiçom deste programa da Kalimera adicado à vida e obras de Manuel Fraga Iribarne (1ª parte), em breves emitira-se ao vivo a 2ª e definitiva:
- A sua fazeta como plagiador de livros
- Ministro de Publicidade Fascista: a Lei de Prensa e a machacona campanha mediática do "España es diferente"
- Os sucessos de Palomares
- Ministro da Gobernaçom com o Borbom : Máximo responsável da brutal repressom
- Fraga, filho putativo do empresário basco Ybarra ???
Ei, rapazada! Xa está aquí a novena edición da terceira tempada de Xoubas, un episodio tan fresco que xa ten un mes de antigüidade. Como aperitivo traemos unha radionovela detectivesca ao máis puro estilo inglés, chea de tensión, mentiras e té; de primeiro prato temos rica información de última hora acompañada dos deportes, aderezados coa disciplina profesional máis practicada polo executivo compostelán: a “Caza de Hippies na Zona Vella”; como entremés, “Percorrendo Galicia” nos leva ata esa descoñecida masa azul que hai máis aló de Noia: o mar; de segundo prato, o Sultán Qaboos deléitanos con outro episodio dos seus contos ben bañado en exquisito ouro negro; e como colofón, a emisión en exclusiva de “Vello Verde Busca Ameixas”, coa colaboración especial do showman Medio Juan. E todo ben regado cun Funkdeorras colleita do 81. Que vos aproveite!
Xa estamos de volta. Despois de dúas ¿merecidas? semanas de vacacións, abrimos o novo ano en Plástico Elástico adicando íntegramente a nosa 1ª Edición de 2012 ao 2nd Rock-A-Billy Boogie Night.
